Аб рэканструкцыі
Гістарычнага цэнтра
г.Мінска

Паважаны Аляксандр Рыгоравіч !

У лютым 2005г. група дзеячоў архітэктуры і культуры, у тым ліку прадстаўнікі і актыў нашага таварыства, накіравалі Вам калектыўны зварот па пытаннях аднаўлення комплекснай гісторыка-культурнай каштоўнасці “Гістарычны цэнтр г.Мінска”, па матэрыялах якога 29 сакавіка 2005г. у Адміністрацыі Прэзідэнта Рэспублікі Беларусь адбылася адпаведная нарада.

Падчас правядзення абмеркавання на вышэйзгаданай нарадзе, адной з перашкод правядзення работ па аднаўленню Гістарычнага цэнтра Мінска ў поўнай адпаведнасці з палажэннямі нарматыўна-прававой базы, называлася праблема адсутнасці горадабудаўнічай альтэрнатывы тым працэсам, якія адбываюцца сёння.

Грамадскае аб’яднанне “Беларускае добраахвотнае таварыства аховы помнікаў гісторыі і культуры” ініцыявала распрацоўку такой альтэрнатывы, і сябрам Таварыства, Уладзімірам Папругам, архітэктарам, лаўрэатам прэміі Прафсаюзаў БССР у галіне архітэктуры, дыпломаў і медаляў Саюзаў Архітэктараў СССР і БССР, навуковым кіраўніком шэрагу гісторыка-культурных каштоўнасцей у краінах Еўропы быў распрацаваны Комплексны праект аднаўлення Гістарычнага цэнтру г. Мінска.

Дадзены праект разам з суправаджальным лістом ад 13.08.2007 г. за № 46 быў пададзены на разгляд у Мінскі гарадскі выканаўчы камітэт. 23.10.2007 г. і 07.12.2007 г. ў Камітэце архітэктуры і горадабудаўніцтва Мінгарвыканкаму адбыліся дзве прцоўныя нарады па абмеркаванню праекта, на якіх прынцыповых адмоўных водгукаў агучана не было і прагучала інфармацыя пра далейшыя этапы працы з праектам з прыцягненнем рознабаковых спецыялістаў.

На жаль, развіццё падзей падчас нарадаў і пасля іх дэмаструюць нежаданне ўпаўнаважаных дзяржаўных органаў, як у правядзенні горадабудаўнічай палітыкі, так і аховы гісторыка-культурнай спадчыны, працягваць дыялог з грамадствам ў рэчышчы захавання гістарычнага цэнтру сталіцы. А найбольш абуральным з’яўляецца, што ўсе неадпаведнасці заканадаўству, якія зараз можна бачыць пры выкананні прац у Гістарычным цэнтры, спрабуюцца выдавацца некаторымі прадстаўнікамі выканаўчай улады ад Вашага імя пад выглядам выканання Указа № 330 ад 14.07.2004 і зацверджанай ім “Канцэпцыі рэканструкцыі Гістарычнага цэнтру г. Мінска”.

Непакоіць нашае грамадскае аб’яднанне і пазіцыя кантрольных і наглядных органаў нашай дзяржавы, а дакладней, іх нежаданне спыніць працэс парушэнняў нарматыўна-прававой базы па ахове гісторыка-культурнай спадчыны, якія ў нашай сталіцы пачынаюць набываць татальны характар. І гэта пры тым, што Гістарычны цэнтр г. Мінска – гісторыка-культурная каштоўнасць, якая належыць усім пакаленням нашай краіны, якія яго стваралі напрацягу стагоддзяў, жылі і будуць жыць заўтра.

У склаўшайся сітуацыі Рэспубліканскі Савет Беларускага добраахвотнага таварыства аховы помнікаў гісторыі і культуры спадзяецца толькі на Вашу асабістую дапамогу і Ваш асабісты ўдзел у рашэнні комплексу праблем па гісторыка-культурнай каштоўнасці 1-й катэгорыі пад шыфрам 711Е000001 “Гістарычны цэнтр г. Мінска”, бо інакш мы згубім магчымасць яе прафесійнага захавання і аднаўлення, што негатыўна адаб’ецца на іміджавым узроўні Рэспублікі Беларусь у свеце.

Старшыня прэзідыюма А.У.астаповіч
GSM +375 29 111 73 32

27.02.2008

Дадаткі:
1. “Калектыўны зварот групы дзеячоў архітэктуры і культуры да Главы дзяржавы”. - на 8 арк. у 1 экз.. (копія)
2. “Комплексны праект аднаўлення Гістарычнага цэнтра г.Мінска”. – на 90 арк. у 1 экз.