Адным з накірункаў дзейнасці Грамадскага аб'яднання "Беларускае добраахвотнае таварыства аховы помнікаў гісторыі і культуры" з'яўляецца праца па пошуку і ўшанаванні ахвяраў гістарычных ліхалеццяў, якія пранесліся праз нашую зямлю напрацягу 20-га стагоддзя.

Рэспубліканскі савет Таварыства супрацоўнічае як з разнастайнымі арганізацыямі, так і проста з фізічнымі асобамі ў вышэйазначанай дзейнасці, і, адпаведна, валодае інфармацыяй пра раскопкі незарэгістраваных могільнікаў на тэрыторыі Гомельскага раёна, камісію па даследванні і перазахаванні парэшткаў з якіх узначальваеце Вы, паважаная Наталля Аляксандраўна.

На думку Таварыства вельмі важна правесці не толькі перазахаванне парэшткаў згодна з хрысціянскімі традыцыямі беларускага народа, але ж дасканала высветліць абставіны, прычыны і храналагічны перыяд адбыўшыхся экзэкуцый, і на падставе праведзеных даследаваняў індэтыфікаваць выяўленыя парэшткі, хаця б часткова.

Пры павазе да Вашай працы, да Вашага высакароднага памкнення аддаць апошнюю даніну памяці нявінным ахвярам, нельга не ўлічыць абмежаваныя магчымасці камісіі і Вас асабіста, як дзяржаўнага служачага, у правядзенні комплексных гістарычных даследаванняў, якія павінны выявіць аб'ектыўную карціну абставінаў масавых забойстваў на тэрыторыі Гомельскага раёна.

Зыходзячы з агульнаграмадзянскага клопату па выяўленню гістарычнай праўды, па ўшанаванню памяці ўсіх пакутнікаў Беларусі і жыхароў іншых краін, што знайшлі свой апошні прытулак у нашай зямлі, і апелюючы да артыкула 4 Закона Рэспублікі Беларусь "Аб ахове гісторыка-культурнай спадчыны", просім уключыць у склад камісіі, якую Вы ўзначальваеце, спецыялістаў ад ГА БДТАПГК:

1. Макушнікава Алега Анатольевіча, дацэнта Гомельскага педуніверсітэта, археолага, члена Рады Гомельскага абласнога аддзялення Таварыства, удзельніка раскопкак у Шакатоўскім лесе ў 1994 - 95 гадах
2. Валахановіча Анатоля Іосіфавіча, кандыдата гістарычных навук