У апошні час у беларускага грамадства выклікаюць клопат безадказныя дзеяньні шэрагу дзяржслужачых, накіраваныя на зьнішчэньне гісторыка-культурнай спадчыны пад эгідай "рэканструкцыі" і "добраўпарадкаваньня", у той час калі дзяржава і яе кіраўніцтва афіцыйна дэкляруюць клопат пра захаваньне матэрыяльнага і духоўнага багацьця Рэспублікі Беларусь, разьвіцьцё турызму, у тым ліку, на грунце беларускай гісторыка-культурнай спадчыны.

Беларускае добраахвотнае таварыства аховы помнікаў гісторыі і культуры і прадстаўнікі грамадскасьці патрабуюць, ў выкананьні артыкула 4 Закона Рэспублікі Беларусь "Аб ахове гісторыка-культурнай спадчыны", увесьці прадстаўніка ГА БДТАПГК ў склад Навукова-метадычнай рады Міністэрства культуры Рэспублікі Беларусь, усе праекты рэстаўрацыі, рэканструкцыі і прыстасаваньня аб'ектаў гісторыка-культурнай спадчыны выносіць на шырокае грамадзкае абмеркаваньне, у тым ліку, паўторна разгледзіць праекты па гістарычных цэнтрах Менска і Горадні з удзелам прадстаўнікоў Таварыства, іншых грамадзкіх арганізацый, незалежных спецыястаў у галіне захаваньня гісторыка-культурнай спадчыны, рэлігійных суполак і проста грамадзкасьці.

Подпісы можна паставіць па наступных адрэсах:

г. Менск, вул. Старажоўская, 5 (сядзіба Таварыства аховы помнікаў)
г. Менск, вул. Румянцава, 13 (сядзіба ТБМ)
г. Менск, пр-т Машэрава (старая вул. Варвашэні), 8 (сядзіба БНФ)


Хто жадае актыўна ўключыцца ў падпісную кампанію, зьвяртайцеся за падпіснымі лістамі да старшыні Рэспубліканскай рады Таварыства, Антона Астаповіча.

Кантакты:
тэл. + 375172931448 (сядзіба Таварыства),
+375291117332 (мабілковы)
e-mail: astant@tut.by