Беларускае добраахвотнае таварыства аховы помнікаў гісторыі і культуры выступае з прапановай да адміністрацыі г. Менска і асабіста да сп. Паўлава па разглядзе альтэрнатыўнага праекту рэканструкцыі, рэстаўрацыі і добраўпарадкавання гістарычнага цэнтру сталіцы, які распрацаваны вядомым як у Беларусі, так і ў Эўропе архітэктарам Уладзімірам Папругам.

Альтэрнатыўны праект распрацаваны ў адпаведнасці з дзеючым заканадаўствам Рэспублікі Беларусь, міжнароднымі метадалагічнымі нормамі ў галіне рэстаўрацыі і кансервацыі, і не толькі мінімізуе пашкоджанні гісторыка-культурнай каштоўнасці 1-й катэгорыі "Гістарычны цэнтр г. Менска", але ж і адкрывае шырокія магчымасці для інвестыцый без парушэнняў нарматыўна-прававой базы у развіццё гарадзкой інфраструктуры.

Сучасная сітуацыя з правядзеннем работ па так званай "рэгенерацыі" цэнтральнай часткі сталіцы выклікае ў самым лепшым выпадку непаразуменне, а ў горшым - абурэнне. Такі стан склаўся з-за распрацоўкі Генеральных планаў будаўніцтва гораду, комплексных планаў рэканструкцыі гістарычнага цэнтру без апоры на сусветны вопыт, метадалогію, да і на дзеючае заканадаўства Рэспублікі Беларусь.

Праект Уладзіміра Папругі пакліканы для вырашэння склаўшыхся горадабудаўнічых памылак і супярэчнасцяў, якія капіліся дзесяцігоддзямі.

Запампаваць праект у PDF (5,8 Mb) >>